Ito ang unang tulang di ko maaaring balikan
tulad ng nararamdaman ko para sa'yo
noong una tayong magkakilala
Ito ang unang tulang di ko maaaring balikan
dahil masakit harapin ang nakaraan
Ito ang unang tula na sana'y tungkol sa
istorya nating dalawa
Ngunit mahal ko,
iniwan mo akong bigla
Ito ang unang tula... HINDI. Ito ang unang tula na
parehas ng ibang tula na aking ginawa
Puno ng galit, puno ng sakit at
nabahidan ng pawis... luha
Ito ang tulang sana'y may kahulugan
ngunit tulad ng pag-alis mo
Ang mundo ko'y nawalan ng pakinabang
Ito ang tulang sinulat ko
habang kumakain ako
Hindi ako mabusog, di ako mapuno,
di ako kumpleto
Kasi matapos nguyain ay
parang tinae mo na lang ako
Tulad ng tulang ito na mas mabaho pa
sa tae at dapat itapon
tulad ng pagtapon mo sa buhay mo
Ito... ito siguro yung klase ng tula na
pahahabain ko na lang
tulad ng ginawa ko sa alaala nating dalawa
Pero kahit anong mangyari
Di ko isusulat ang tulang ito
para pagtakpan ang nakaraan
nating dalawa
Na parang sa mga oras na 'to
ay wala na lamang halaga
Ito yung unang tulang aking sinulat
na nagpakirot sa aking kalamnan
at puso habang aking sinasalaysay
Iba sana yung nakasulat sa
tulang ito
Ito dapat ay isang tula ng pag-ibig,
pambansa o para sa kinabukasan
ng kabataan at hindi pansarili lamang
Pero isang gabi ay minungkahi
sa akin ng Amang Maykapal
na hayaang sumayaw
ang kamay sa tambol ng aking puso
Ang problema ay wala na akong
pusong natitira
dahil ako'y mag-isa na lamang
Ito kasi yung tula na dapat ay may aral,
may nakakatawa, interesante
at may dangal
Pero wala na, tulad ko'y ubos na
Siguro pangit na kung pahahabain pa
kaya tapusin na natin
Ito ang unang tula na isinulat ko sa
Tagalog
Walang saysay, walang kahahantungan,
Walang pinaglalaban at walang
kalaman-laman
Pero ito lang ang masasabi ko...
Sa araw na mamatay ka
Pati ang galing at interes ko sa
pagsulat
Ay isinama mo sa hukay...
Salamat
Pero paalam na, Mahal.
Goodbye, Sev's Cafe. A poetry hub. A place of comfort. Yet I was not able to deliver even once.
©The Pink Merman
September 13, 2015
Pacific-Atlantis Mermen Journal
Read the Pink Merman's copyright and other reminders.
September 13, 2015
Pacific-Atlantis Mermen Journal
Read the Pink Merman's copyright and other reminders.
